|
Klimaatvooruitskattings (Augustus 2004 -
Desember 2004)
Inleiding
Die Wes-Kaap het vir die huidige reënseisoen tot dusver
afwisselende reënval vanaf April ontvang. April is gekenmerk deur
bo-gemiddelde reëns, terwyl die reënval tydens Mei ver onder die
langtermyngemiddelde was.
Die totale reënval vir Mei (langtermyngemiddelde in hakies) was
vir Langgewens 4mm (55mm), Porterville 9mm (70mm), Tygerhoek 1mm
(42mm) en Jonaskraal 12mm (37mm). In Junie was die reënval heelwat
beter, plek-plek beter as die langtermyngemiddelde, bv. by
Koperfontein is 64mm aangeteken teenoor die langtermyn gemiddelde
van 49mm. In Julie was die reënval oor die algemeen minder as die
langtermyngemiddelde.
Reënvalvooruitskouing
Reënvalvooruitsigte vir die tydperk Augustus 2004 tot Desember
2004 word saamgevat in die onderstaande figure. By elke figuur, wat
’n kaart van die Wes-Kaap verteenwoordig, word die waarskynlikheid
van normale (mediaan) reëns ten opsigte van ’n sekere maand vir die
provinsie aangedui. Verskeie kleure dui die onderskeie
waarskynlikhede aan. (Sien verklaring onderaan hierdie bladsy.)
Om op te som, reënval toestande lyk redelik swakker as normaal
vir Augustus, Oktober en November, alhoewel meer belowend vir
September en Desember.
 |
